Morgunpóstur 27. október
Erlent Tuttugu og fimm bankar af 150 sem prófaðir voru á evrusvæðinu stóðust ekki álagspróf evrópska seðlabankans. Samtals vantaði þá um 25 ma. evra í eiginfé. Þetta kom fram í niðurstöðum prófsins sem kynntar voru í gær. Þetta voru heldur fleiri bankar en greinendur höfðu að jafnaði átt von á. Enginn stærstu bankanna á svæðinu er í þessum hópi. Þrettán þeirra voru ítalskir, þrír grískir og þrír kýpverskir. Prófið var byggt á uppgjörum bankanna fyrir árið 2013. Tólf af þessum 25 hafa á þessu ári aflað nægs eiginfjár til að standast prófið. Spurning er nú um áhrif þessarar niðurstöðu á brothætta evrópska fjármálamarkaði. Innlent FME sendi frá sér tilkynningu í gær vegna niðurstöðu álagsprófs evrópskra banka. Þar segir m.a. að í árslok 2013 hafi vegið eiginfjárhlutfall íslenskra banka verið 26,2% og 27,2% í lok annars ársfjórðungs 2014. Eiginfjárhlutfall banka innan Evrópusambandsins, byggt á úrtaki, hafi verið 15,7% í árslok 2013. Þá hafi vegið vanskilahlutfall íslensku bankanna í árslok 2013 numið 4,5% og 3,2% í lok 2F 2014. Í ESB hafi hlutfallið numið 6,8% í árslok 2013 og hafi farið hækkandi undanfarin misseri. Slitastjórn gamla Landsbankans hefur framlengt um viku, til næsta föstudags, frest til frágangs á samkomulagi við nýja Landsbankann um framlengingu á skuldabréfi sem nýi bankinn skuldar þeim gamla. IFS gaf á föstudag út afkomuspá sína fyrir VÍS á 3. ársfjórðungi og árinu 2014. Við spáum því að tryggingarekstur verði í halla í uppgjöri 3F hjá félaginu; samsett hlutfall verði ríflega 100%. Munar þar ekki síst um stórbrunann í Skeifunni í júlí sem áætlað er að kostið félagið um 250 mkr. að teknu tilliti til þáttar endurtryggjenda. Á árinu í heild spáum við að iðgjaldatekjur verði um 16 ma.kr. og fjárfestingatekjur um 1,9 ma.kr. en hagnaður um 1,4 ma.kr. Að sama skapi gerir IFS ráð fyrir að samsett hlutfall TM á 3F verði rúmlega 100%, einkum vegna brunans í Skeifunni. Þetta kom fram í afkomuspá fyrir TM sem IFS birti á föstudag. Eigið tjón TM vegna hans nam um 240 mkr. att. endurnýjunar endurtrygginga. Fyrir árið spáum við um 11,4 ma.kr. Iðgjöldum og 2,0 ma.kr.fjárfestingatekjum, hagnaði 3,1 ma.kr.